Home / Tamil Heath Tips / சிக்ஸ் பேக்: எளிமையான யோகாசனங்கள்

சிக்ஸ் பேக்: எளிமையான யோகாசனங்கள்

நீங்கள் சிக்ஸ் பேக் பெற முடிவெடுத்திருக்கிறீர்களா? நிச்சயம் அதை ஒரே இரவில் பெற்றுவிட முடியாது என்று முதலில் தெரிந்து கொள்ளுங்கள்!

நீங்கள் குறிப்பிட்ட ஃபிட்னஸ் அளவை அடைவதற்காக தினசரி முறையான உடற்பயிற்சிகளை செய்து வர வேண்டும், அதன் பிறகு உடலின் குறிப்பிட்ட பகுதிகளுக்காக சிறப்பு பயிற்சிகளை செய்ய வேண்டியிருக்கலாம். சிக்ஸ் பேக்கைப் பெற, குறிப்பாக உடலின் நடுப்பகுதியில் அதிக கவனம் செலுத்த வேண்டும். யோகாசன்ங்கள் செய்து வருவது, உங்கள் அடிவயிற்றை இறுக்கமாக்கவும், நல்ல வளைவுத்திறனைப் பெறவும் நிச்சயம் உதவக்கூடியவை. ஆனால் எல்லோருக்கும் இது பொருந்துமா என்பதைக் கணிக்க முடியாது. நீங்கள் சிக்ஸ் பேக்கைப் பெற உதவும் யோகாசனங்கள் மற்றும் அதன் மேம்பட்ட நிலைகள் உங்கள் உடலுக்குப் பொருந்துமா என்று அறிந்து கொள்ள ஒரு யோகா பயிற்சியாளரை கலந்தாலோசிக்கவும்.

சிக்ஸ்பேக் வயிற்றைப் பெற உதவும் யோகாசனங்கள் – ஹாலாசனம்
ஹாலாசனம் என்பது உங்கள் வயிற்று தசைகளை டோன் செய்ய மிகவும் ஏற்றது. ஆனால் இந்த ஆசனத்தைச் செய்ய உங்கள் உடலுக்குப் போதுமான நெகிழ்வுத்தன்மை இருக்கிறதா என்று முதலில் உங்கள் பயிற்சியாளரிடம் கலந்தாலோசிக்க வேண்டும். இல்லையென்றால், உங்களுக்கு காயம் ஏற்படலாம். கால் விரல்களால் மறுபுறம் தரையைத் தொடும் வரை கால்களை வளைக்கவும். உங்கள் கைகளைப் பயன்படுத்தி, உங்கள் இடுப்புக்கு ஆரம்பக்கட்டத்தில் அழுத்தம் தரலாம். மெதுவாக மூச்சு விடவும், உங்களால் முடிந்தவரை அதே நிலையில் இருக்கவும். பிறகு இரண்டு கால்களையும் ஆரம்ப நிலைக்கு மீண்டும் கொண்டு வரவும். இதே நிலையை வைத்திருக்கும்போது, உங்கள் கைகளை இரண்டு புறமும் விரித்து வைக்கலாம்.

நவாசனம்
உடலின் மையப்பகுதியில் கொழுப்பைக் குறைப்பதற்கு இந்த ஆசனம் மிகவும் ஏற்றது. யோகா மேட்டில் உட்கார்ந்து, கால்களை உங்களுக்கு முன்னால் நீட்டவும். கைகளை இடுப்புக்கு சற்று கீழே வைத்திருக்கவும். பின்னோக்கி சாயவும், ஆனால் முதுகெலும்பை வளைக்கக் கூடாது. மூச்சை வெளியே விட்டு, உங்கள் கால்களை தரையில் இருந்து 45 டிகிரி கோணத்திற்கு உயர்த்த வேண்டும். முட்டிகளை மடக்காமல் வைத்து, உங்கள் கால் விரல்களை உங்கள் கண்கள் உயரத்திற்கு உயர்த்தவும் – அவை ஆங்கில வி போன்று இருப்பதை உறுதிப்படுத்திக் கொள்ளவும்.

About admin

Check Also

Choosing toothpaste and mouthwash

Use toothpaste that has fluoride, the best defense against decay. Here’s an analysis of some …

Leave a Reply

Your email address will not be published. Required fields are marked *